Бундэстаг разгледзіць пытанне аб санкцыях супраць РБ і РФ у аграрным сектары
Беларускую сельскую гаспадарку чакаюць санкцыі / sb.by
25 красавіка Бундэстаг разгледзіць пытанне ўвядзення санкцый супраць Беларусі і Расіі ў аграрным сектары. Іх прапанавала парламенцкая група ХДС/ХСС, паведамляе Bild.
"Рэзкія санкцыі ў сельскагаспадарчым сектары супраць Расіі і Беларусі больш чым неабходныя, каб не дапусціць улівання мільярдаў еўра у вайсковы бюджэт прэзідэнта Уладзіміра Пуціна, — лічыць дэпутат і адзін з аўтараў ініцыятывы Альберт Стэгеман. — Нам патрэбна еўрапейская забарона на імпарт. Аднаго павышэння тарыфаў на некаторыя расійскія сельскагаспадарчыя тавары недастаткова".
