"Цэнтркурорт" адмаўляе датычнасць да перапраўкі мігрантаў у Літву
Кампанія "ЦэнтрКурорт" адмаўляе сваю датычнасьць да мігранцкага крызісу на мяжы Беларусі і краін ЕС. Пра гэта яе прадстаўнікі заявілі ў каментары sputnik.by.
Кампанія фігуравала ў некалькіх расследаваннях — сцвярджалася, што яна дапамагае мігрантам з краін Блізкага Усходу прыбываць у Беларусь.
У самой кампаніі заяўляюць, што супрацоўнічаюць толькі з багатымі кліентамі і з тымі кампаніямі, што рэкамендаваныя МЗС Беларусі. Таксама там адмаўляюць, што дапамагаюць афармляць візы мігрантам з Ірака.
Раней у сумесным расследаванні расійскага выдання "Дасье" і нямецкага Der Spiegel паведамлялася, што "Цэнтркурорт" дапамагае атрымаць візы сотням грамадзян Ірака, а ў зоне прылёту "турыстаў" чакаюць заказаныя кампаніяй аўтобусы, якія развозяць мігрантаў па гатэлях у цэнтры Мінска.
Пікантнасць сітуацыі ў тым, што "Цэнтркурорт" належыць Кіраўніцтву справамі прэзідэнта.
