Ціханоўская ў Мюнхене абмеркавала з Клічко свой будучы візіт у Кіеў
![Ціханоўская ў Мюнхене абмеркавала з Клічко свой будучы візіт у Кіеў](/sites/default/files/styles/gallery_main/public/2023-08/273778467_10158910651932169_7901579588428835680_n.jpg.webp?itok=i-OzfP-m)
Святлана Ціханоўская падчас Мюнхенскай канферэнцыі па бяспецы правяла шэраг сустрэч. Між іншым яна сустрэлася з мэрам Кіева Віталём Клічко. Абмяркоўвалася дапамога беларускай дыяспары ва ўкраінскай сталіцы, магчымы працоўны візіт Ціханоўскай у Кіеў, эканамічны ціск на мінскі рэжым. Святлана Ціханоўская сустрэлася таксама з арганізатарам канферэнцыі Борысам Руге, еўракамісаркай Ілвай Ёхансан.
Мюнхенская канферэнцыя пройдзе 18-20 лютага. У ёй паўдзельнічаюць вядучыя нямецкія палітыкі, віцэ-прэзідэнт ЗША, дзяржсакратар Злучаных Штатаў, генсек NATO, кіраўніца Еўракамісіі. На сустрэчах Ціханоўская кажа пра тое, што Аляксандр Лукашэнка "страціў самастойнасць", а дамовы, якія падпісвае, у далейшым "будуць ануляваныя", што знаходжанне расійскіх войскаў у Беларусі "парушае беларускі суверэнітэт". Таксама згадвае пра неабходнасць новага пакету санкцый, які б закрыў "дзіркі" ў папярэдніх, пра патрэбу падтрымкі грамадзянскай супольнасці, медыяў, праваабаронцаў, рэпрэсаваных.
![Ціханоўская ў Мюнхене абмеркавала з Клічко свой будучы візіт у Кіеў](/sites/default/files/paragraphs/image/273790450101589106348521692775276399945033251n.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.