Даішнікі знайшлі кіроўцу, які ляцеў па трасе на аўтамабілі на трох колах
![Citroen на трох колах](/sites/default/files/styles/gallery_main/public/2024-08/kola.jpg.webp?itok=qJStzcoD)
Citroen на трох колах / Кадр з відэа
Даішнікі знайшла кіроўцу Citroen, які ляцеў па трасе пад Маладзечнам на трох колах. Яны адрэагавалі на відэа, якое з'явілася ў сацсетках. 23-гадовага хлопца абвінавацілі ў "кіраванні транспартным сродкам, што мае няспраўнасці, пры наяўнасці якіх забаронены ўдзел у дарожным руху". І склалі адміністрацыйны пратакол.
Задняе правае кола ў легкавіка адляцела ў дарозе, а запаснога ў кіроўцы не было. І ён вырашыў не выклікаць эвакуатар, а паехаць на СТА без яго. Каб утрымліваць раўнавагу, кіроўца і пасажыр высунуліся з вокнаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.