Долар перайшоў псіхалагічную мяжу ў 3 рублі
У Беларусі расце курс долара і падае курс расійскага рубля / pexels.com
На адкрыцці таргоў на Беларускай валютна-фондавай біржы зранку 26 чэрвеня долар перайшоў псіхалагічную мяжу ў тры рублі.
Па стане на 10:41 долар падаражэў на 2,3 капейкі — да 3,0123 рубля. Папярэдні раз долар каштаваў больш за 3 рублі ў сакавіку 2022-га, пасля пачатку поўнамаштабнага ўварвання Расіі ва Украіну.
Дарэчы, курс расійскага рубля панізіўся на 2 капейкі. За 100 расійскіх рублёў у 10:41 давалі 3,5447 беларускага рубля.
