Домрачава сёння стартуе пад 36-м нумарам у жаночым спрынце на 7,5 км
На чэмпіянаце свету па біятлоне ў аўстрыйскім Хахфільцэне 10 лютага пройдзе спрынтарская гонка на 7,5 км у жанчын. Сёння ў гонцы будзе ўдзельнічаць трохразовая алімпійская чэмпіёнка Дар'я Домрачава. Яна выйдзе на старт пад 36-м нумарам, перадае БЕЛТА.
Акрамя яе, на спрынтарскую гонку ад Беларусі заяўленыя Ірына Крыўко (яе стартавы нумар 8), Надзея Скардзіна (75), Надзея Пісарава (86).
У жывым эфіры трансляцыю жаночага спрынту можна будзе паглядзець на тэлеканале "Беларусь 5" у 16.35.
Нагадаем, што 9 лютага на чэмпіянаце свету прайшла змяшаная гонка. Беларуская зборная заняла 22-е месца з 25 камандаў. Домрачава ў гонцы не ўдзельнічала.
