Футбалісты "Нёмана" паедуць на матч у Ліхтэнштэйн на аўтобусе
![Ліхтэнштэйн / pixabay.com](/sites/default/files/styles/gallery_main/public/2023-08/castle-7581503_1280.jpg.webp?itok=YkLw30_R)
Ліхтэнштэйн / pixabay.com
Футбалісты "Нёмана" паедуць на матч першага раўнда адбору футбольнай Лігі канферэнцый з "Вадуцам" у Ліхтэнштэйн на аўтобусе, піша "Трыбуна".
"Нас чакае няпростае падарожжа. Мы паедзем на аўтобусе пасля гульні з Наваполацкам. 1800 кіламетраў... У першай гульні, вядома, у іх будзе перавага, бо мы будзем гуляць з дарогі", — кажа футбаліст гродзенцаў Ягор Зубовіч.
"Вадуц" прыме "Нёман" 13 ліпеня. "Нёман" жа правядзе хатні паядынак 20 ліпеня ў Венгрыі — на стадыёне "Алькюфер" у Дзьёры. Сапернік наўрад ці будзе дабірацца на аўтобусе (800 км).
Беларускія каманды паводле рашэння УЕФА вымушаны праводзіць хатнія матчы еўракубкаў на нейтральных палях без гледачоў.
![Футбалісты "Нёмана" паедуць на матч у Ліхтэнштэйн на аўтобусе](/sites/default/files/styles/default_image_paragraph/public/paragraphs/image/Kaval.jpg.webp?itok=PRhY1GkL)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.