Футбольная зборная Беларусі выбыла з першай сотні сусветнага рэйтынгу
![Апошнія невясёлыя вынікі паўплывалі на рэйтынг зборнай](/sites/default/files/styles/gallery_main/public/2023-09/zbor.jpg.webp?itok=QR-7YB9P)
Апошнія невясёлыя вынікі паўплывалі на рэйтынг зборнай / abff.by
Нацыянальная футбольная зборная Беларусі выбыла з першай сотні сусветнага рэйтынгу. Цяпер яна займае 105-е месца.
FIFA апублікавала абноўлены рэйтынг у чацвер. У ім лідыруюць зборныя Аргенціны, Францыі і Бразіліі.
У жніўні галоўным трэнерам зборнай Беларусі стаў 48-гадовы іспанец Карлас Алас Ферэр. Пад яго кіраўніцтвам у адборы чэмпіянату Еўропы спачатку была гасцявая нічыя з Андорай (0:0), а пасля паражэнне ад Ізраіля (0:1). Гэтыя вынікі і паўплывалі на рэйтынг зборнай. Дагэтуль яна была 98-й. Апошні раз у другой сотні рэйтынгу FIFA зборная знаходзілася восенню 2014 года (займала 106-е месца).
Найвышэйшым дасягненнем зборнай Беларусі было 36-е месца ў 2011-м.
![Футбольная зборная Беларусі выбыла з першай сотні сусветнага рэйтынгу](/sites/default/files/styles/default_image_paragraph/public/paragraphs/image/105_1.jpg.webp?itok=x2VTpZ-m)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.