Беларускую зборную па футболе ўзначаліў іспанец
Карлас Алас Ферэр / kazfootball.kz
Новым галоўным трэнерам зборнай Беларусі па футболе стаў 48-гадовы іспанец Карлас Алас Ферэр. Кантракт з ім падпісаны да канца 2024 года з магчымасцю падаўжэння.
Перад гэтым ён кіраваў зборнай Руанды. Таксама Ферэр працаваў з "Барселонай" (U-19), юнацкай (U-17) зборнай Казахстана, "Кайратам" (выйграў Кубак Казахстана), клубамі Кіпра, Катара, Марока, Польшчы, Ганконга.
Папярэднім трэнерам нацыянальнай зборнай быў Георгій Кандрацьеў. Пра яго сыход з пасады стала вядома напрыканцы чэрвеня.
