Галоўны рэдактар "Новага часу" Аксана Колб асуджана на 2,5 гады "хіміі"
Галоўны рэдактар "Новага часу" Аксана Колб асуджана на 2,5 гады "хіміі" з накіраваннем у папраўчую ўстанову адкрытага тыпу (менавіта такі тэрмін і патрабаваў пракурор). Яе прызналі вінаватай у "арганізацыі і падрыхтоўцы дзеянняў, якія груба парушаюць грамадскі парадак або актыўным удзеле у іх". Колб паставілі ў віну ўдзел у масавым вулічным шэсці ў Мінску 16 жніўня 2020-га.
Працэс праходзіў у судзе Цэнтральнага раёна Мінска (суддзя — Дзмітрый Карсюк). Ад апошняга слова Аксана Колб адмовілася.
