Хакеісты мінскага "Дынама" разгромна прайгралі клубу з Узбекістана

Хакеісты мінскага "Дынама" з разгромным лікам прайгралі камандзе "Хумо" з Узбекістана і занялі апошняе месца на Кубку губернатара Ніжагародскай вобласці. У апошнім матчы турніру, калі барацьба ішла за трэцяе месца, "зубры" саступілі з лікам 1:5.

На старце спаборніцтваў мінчане адолелі "Хумо" з лікам 6:3, але затым пацярпелі паразу ад маскоўскіх аднаклубнікаў — 1:4. Учора ж быў яшчэ адзін разгром ад ніжагародскага "Тарпеда"—2:6.