Кулеба: Лукашэнку будзе балюча, калі да Пратасевіча пусцяць прадстаўнікоў "ЛНР"
![Кулеба: Лукашэнку будзе балюча, калі да Пратасевіча пусцяць прадстаўнікоў "ЛНР"](/sites/default/files/styles/gallery_main/public/2023-08/kulieba-0406.jpg.webp?itok=tI0Ef8gq)
Калі прадстаўнікі "ЛНР" дапытаюць палітвязня Рамана Пратасевіча, то ў выніку "будзе балюча" Аляксандру Лукашэнку. З такой заявай у тэлеэфіры выступіў міністр замежных спраў Украіны Дзмітрый Кулеба.
"Будзе балюча Аляксандру Лукашэнку. У нас ёсць дастаткова інструментаў, каб зрабіць людзям і краінам, якія не паважаюць тэрытарыяльную цэласнасць Украіны, балюча, і асабліва калі гаворка ідзе пра Беларусь, з якой у нас вельмі шмат рознага кшталту сувязяў, у тым ліку эканамічных", — перадае "Укрінформ" словы Кулебы.
Ён не стаў удакладняць магчымыя канкрэтныя дзеянні з боку Украіны. Кулеба заявіў, што не хоча такімі анонсамі спрашчаць жыццё Лукашэнку і яго атачэнню.
"Па-другое, мы будзем дзейнічаць вельмі ўзважана, таму што не хочам ніякай палітычнай альбо гандлёвай вайны з Беларуссю... Але хачу сказаць, што ёсць рэчы, якія мы не даруем, і непавага да тэрытарыяльнай цэласнасці Украіны — гэта адна з такіх рэчаў", — патлумачыў дыпламат.
Пасля сустрэчы з Уладзімірам Пуціным у Сочы Лукашэнка заявіў, што прадстаўнікі "ЛНР" змогуць дапытаць у Беларусі блогера Рамана Пратасевіча. У сюжэце, паказаным на тэлеканале АНТ увечары 3 чэрвеня, Марат Маркаў таксама намякаў, што блогера могуць выдаць у "ЛНР".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.