Кулеба: рэзервовыя дызель-генератары забяспечаць ЧАЭС на 48 гадзін
Чарнобыльскую АЭС падключаць да рэзервовых дызель-генератараў — яны забяспечаць электрасілкаванне станцыі на 48 гадзін. Пра гэта напісаў у сацсетках кіраўнік МЗС Украіны Дзмітрый Кулеба.
Пасля гэтага адключыцца сістэма ахаладжэння адпрацаванага ядзернага паліва, што можа прывесці да ўцечкі радыяцыі.
Як распавядала Еўрарадыё, у выніку абстрэлу з боку расійскіх вайскоўцаў ЧАЭС была цалкам абясточаная. Электрастанцыя была захопленая расіянамі ў першыя дні вайны. Персанал АЭС, як паведамляецца, працуе там без зменаў ужо два тыдні.
Резервні дизель-генератори забезпечать живлення ЧАЕС та її об’єктів протягом 48 годин. Потім відключиться система охолодження сховища відпрацьованого ядерного палива, що загрожуватиме витоком радіації. Варварська війна РФ загрожує всій Європі. Путін має зупинити її негайно! 2/2
— Dmytro Kuleba (@DmytroKuleba) March 9, 2022
