Квадракоптары будуць патруляваць мінскія пляжы (раз вы плаваеце за буйкі)
Дрон / defence-ua.com
Квадракоптары будуць дапамагаць ратавальнікам патруляваць мінскія пляжы ўжо гэтым летам, кажуць у Мінгарвыканкаме.
"На купальны сезон адкрываюцца дадатковыя сезонныя выратавальныя пасты АСВОД. Каб адсочваць абстаноўку на пляжах яшчэ больш аператыўна, плануецца набыццё квадракоптараў", — цытуе агенцтва "Мінск-Навіны" намесніка старшыні Мінгарвыканкама Алега Корзуна.
У Беларусі з пачатку года патанула больш за 160 чалавек, у Мінску — 8 чалавек, кажуць у АСВОД.
