Літоўскія мытнікі паказалі, як адкапалі кантрабанду з Беларусі ў вагоне з друзам
Літоўскія мытнікі паказалі, як адкапалі кантрабанду цыгарэт з Беларусі ў двух вагонах з друзам. Яны правяралі цягнік, які прыбыў з нашай краіны. Як паведамляе Мытная крымінальная служба Літвы, знойдзеныя цыгарэты ацанілі на суму больш за 200 тысяч еўра. Каб іх дастаць, літоўцам давялося папрацаваць з рыдлёўкай у руках.
Кантрабанда цыгарэт з Беларусі не спыняецца нават падчас дзеяння заходніх санкцый. У траўні кантрабандныя цыгарэты з нашай краіны знайшлі ў чыгуначным кантэйнеры з сухім малаком.
Гэты і наступныя здымкі — facebook.com/Muitineskriminalinetarnyba
