Лукашэнка і Пуцін сустрэнуцца ў Мінску 25 лютага
Аляксандр Лукашэнка і Уладзімір Пуцін сустрэнуцца ў Мінску 25 лютага. Як стала вядома, у гэты дзень у беларускай сталіцы пройдзе пасяджэнне Вышэйшага дзяржсавета саюзнай дзяржавы Беларусі і Расіі, інфармуе БелаПАН.
Як паведамляла Еўрарадыё, з ініцыятывай правесці ў Мінску саюзны саміт у сярэдзіне студзеня выступіў Лукашэнка. Яго прапанову падтрымалі ў Маскве. Мяркуецца, што ўдасца "ажывіць працу ў саюзнай дзяржаве". На паседжанні Вышэйшага дзяржсавета павінны зацвердзіць саюзны бюджэт на 2016 год, абмяркуюць вынікі гандлёва-эканамічнага супрацоўніцтва.
Апошняе пасяджэнне дзяржсавета адбылося ў Маскве 3 сакавіка мінулага года.
