На Чарнобыльскія ўгодкі Лукашэнка з'язджае ў Кітай
![На Чарнобыльскія ўгодкі Лукашэнка з'язджае ў Кітай](/sites/default/files/styles/gallery_main/public/2023-08/samaliot-2512.jpg.webp?itok=SdqjXSey)
Аляксандр Лукашэнка на тры дні з'язджае з працоўным візітам у Кітай. У Пекіне беларускі кіраўнік 25-27 красавіка возьме ўдзел у II Форуме супрацоўніцтва "Пояс і шлях" і правядзе шэраг двухбаковых сустрэч. Між іншым запланаваная сустрэча з кіраўніком КНР Сі Цзіньпінам, падчас якой будзе ісці гаворка пра рэалізацыю найбольш значных сумесных праектаў, паведамляе прэс-служба. Да падпісання падрыхтаваны пакет дакументаў.
На саміце Лукашэнка збіраецца выступіць з прапановамі па паглыбленні супрацоўніцтва на еўразійскай прасторы.
Варта адзначыць, што звычайна на Чарнобыльскія ўгодкі Аляксандр Лукашэнка едзе ў Гомельскую ці Магілёўскую вобласці. Аднак сёлета ён змяніў гэтую традыцыю.