Лукашэнка: Зяленскі прасіў нейкай падтрымкі
![Лукашэнка: Зяленскі прасіў нейкай падтрымкі](/sites/default/files/styles/gallery_main/public/2023-08/2019-08-22t144907z_1656386224_rc1780aa92f0_rtrmadp_3_g7-summit-russia-eu.jpg.webp?itok=UymAdXJ7)
23 жніўня Аляксандр Лукашэнка і прэм'ер-міністр Сяргей Румас абмеркавалі пытанні беларуска-украінскага супрацоўніцтва. "У нас, здаецца, і з Украінай нядрэнныя зараз дачыненні, — гаварыў кіраўнік дзяржавы. — Мы размаўлялі з прэзідэнтам [Уладзімірам Зяленскім]. Яны прасілі нейкай падтрымкі. Як мы, аказваем — не аказваем?".
На жаль, ні ў справаздачы з сустрэчы на сайце Аляксандра Лукашэнкі, ні ў сюжэце тэлеканала АНТ няма падрабязнасцяў пра тое, якой менавіта падтрымкі прасіла ўкраінскае кіраўніцтва. Падчас размовы з Румасам Лукашэнка згадаў нейкія праблемы з транзітам праз Украіну ў гандлі з Грузіяй. Беларускі кіраўнік лічыць, што тут "нашы недапрацоўкі", бо малаверагодна, каб украінцы стваралі перашкоды. "Бо ім жа таксама выгадна, гэта транзітная краіна...", — адзначыў Аляксандр Лукашэнка.
Як вядома, Лукашэнка і Зяленскі пакуль не сустракаліся, размаўлялі толькі па тэлефоне. Беларускі кіраўнік запрасіў украінскага прэзідэнта ў нашу краіну, і атрымаў такое ж запрашэнне — восенню ў Жытоміры пройдзе II Форум рэгіёнаў Украіны і Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.