Манголія патлумачыла адмову арыштаваць Уладзіміра Пуціна
Манголы не рызыкнулі арыштаваць Уладзіміра Пуціна / kremlin.ru
Манголія патлумачыла адмову арыштаваць Уладзіміра Пуціна па ордары Міжнароднага крымінальнага суда. Як піша Politico са спасылкай на неназванага прадстаўніка ўраду краіны, прычыны дзве — знаходжанне ў стане энергетычнай залежнасці (Манголія імпартуе 95% сваіх нафтапрадуктаў і больш за 20% электраэнергіі з суседніх краін) і "палітыка нейтралітэту".
Пуцін прыбыў у Манголію з афіцыйным візітам. А гэтая краіна, як член МКС, павінна была арыштаваць расійскага кіраўніка. Але ў такое развіццё падзей цяжка было паверыць. Такім чынам, Уладзіміру Пуціну ўпершыню ўдалося наведаць краіну, якая ратыфікавала Рымскі статут Міжнароднага крымінальнага суда, пасля таго, як у сакавіку 2023-га быў выданы ордар на яго арышт (за дэпартацыю ўкраінскіх дзяцей у Расію).
