Матч брэсцкага і мінскага "Дынама" пакажуць у Іспаніі

Матч чэмпіянату Беларусі па футболе ў вышэйшай лізе паміж брэсцкім і мінскім "Дынама" пакажуць у Іспаніі. Адзін з мясцовых тэлеканалаў (El Chiringuito TV) ужо рэкламуе жывую трансляцыю паядынка беларускага футбольнага чэмпіянату 10 траўня з Брэста. Цікава, што каманды ў першынстве зусім не лідары, яны займаюць 10-е і 13-е месцы. Але патэнцыйна яны здольныя пазмагацца за медалі. Брэсцкае "Дынама" — дзейны чэмпіён нашай краіны.

Беларускі чэмпіянат — адзіны ў Еўропе, які не быў прыпынены. Яго тэлетрансляцыі глядзяць па ўсім свеце, нават у Індыі і Аўстраліі. Цяпер з ім пазнаёмяцца і ў Іспаніі, дзе заўзятары засумавалі па футболе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.