Мілінкевіч заявіў, што бярэ на сябе ролю "лідэра праеўрапейскіх сілаў"

Беларусь можа застацца Беларуссю толькі абраўшы еўрапейскі шлях развіцця. Такое меркаванне выказаў лідэр руху "За Свабоду" Аляксандр Мілінкевіч у інтэрв'ю БелаПАН. Нагадаем, у траўні палітык афіцыйна заявіў пра сваё жаданне балатавацца на пасаду прэзідэнта Беларусі. Цяпер жа ён заявіў, што бярэ на сябе ролю "лідэра прабеларускіх праеўрапейскіх сілаў".

Паводле слоў Мілінкевіча, адной з найважнейшых задачаў дэмакратычных сілаў ён бачыць не столькі падрыхтоўку да бліжэйшых прэзідэнцкіх выбараў, колькі да наступных, якія будуць аб'яўленыя пасля таго, як "улада вымушаная будзе сыйсці".