Мінабароны Польшчы расказала пра хакерскую атаку з Беларусі

Беларускія хакеры вядуць у Польшчы шырокую кампанію дэзінфармацыі, піша salon24.pl.

З дапамогай месенджара Telegram, электронных лістоў і SMS хакеры рассылалі фальшывыя паведамленні ад імя Міністэрства нацыянальнай абароны Польшчы. Атрымальнікамі былі як шматлікія палякі, так і літоўска-польска-ўкраінская брыгада імя вялікага гетмана Канстанціна Астрожскага.

Для рассылкі паведамленняў яны выкарыстоўвалі нядаўна зарэгістраваны дамен mon-gov[.]com. У лістах паведамлялася пра меркаваны пачатак ваеннай кваліфікацыі ў 2023 годзе ў адпаведнасці з Законам аб абароне Айчыны, які, як чакаецца, працягнецца да 21 ліпеня.

Генерал брыгады Караль Маленда назваў вінаватымі ў рассылцы фэйкавых навін беларускую хакерскую групу UNC 1151. Гэтая групоўка ўжо некалькі месяцаў выкарыстоўвае так званы фішынг сярод украінскіх вайскоўцаў: на іх паштовыя скрыні масава ідуць электронныя лісты са спасылкамі, якія вядуць на заражаныя сайты.

Таксама гэтая група адказвае за ўцечку і публікацыю электронных лістоў, якія прыпісваюць чальцам польскага ўрада ў рамках інфармацыйна-шпіёнскай аперацыі Ghostwriter, якая цягнецца ўжо шмат гадоў. Хакеры з UNC 1151 правялі атакі на акаўнты польскіх палітыкаў, а таксама ўзламалі сервер Дзяржаўнага агенцтва па атамнай энергіі. Дзеянні групы накіраваныя супраць Украіны, Польшчы, Літвы і краін NATO.