Мінінфарм заблакаваў беларускую інтэрнэт-бібліятэку Kamunikat.org
З-за мяжы і з дапамогай VPN сайт даступны / ілюстрацыйнае фота pixabay.com
Знік доступ да беларускай інтэрнэт-бібліятэкі Kamunikat.org. Там сабрана мноства кніг, часопісаў, аўдыёкніг і радыёперадач. Падчас спробы зайсці на сайт бібліятэкі з Беларусі, на старонцы з'яўляецца надпіс, што "доступ да інфармацыйнага рэсурсу абмежаваны на падставе рашэння Міністэрства інфармацыі Рэспублікі Беларусь". Паведамляецца, што рашэнне прынятае ў адпаведнасці з законам "Аб СМІ".
З-за мяжы і з дапамогай VPN-сэрвісаў сайт адкрываецца. Заснавальнік бібліятэкі, журналіст Яраслаў Іванюк паведаміў Еўрарадыё, што яму невядома, што стала прычынай блакавання Kamunikat.
