Мінск і Брэст трапілі ў топ-10 самых папулярных зімой у турыстаў гарадоў СНД

Мінск і Брэст трапілі ў топ-10 самых папулярных зімой у турыстаў гарадоў СНД, інфармуе БЕЛТА са спасылкай на аналітычнае агенцтва ТурСтат. Таксама ў першай дзясятцы апынуліся Алматы, Астана, Баку, Бішкек, Гянджа, Ерэван, Кішынёў і Ташкент. Адзначаецца, што рэйтынг быў складзены пасля аналізу папулярнасці турыстычных паездак.

Звычайна ў сталіцы краін СНД турысты прыязджаюць у выхадныя дні. У зімовы час у Беларусі замежнікі спыняюцца на тры дні, яны трацяць каля 70 долараў за суткі. Дарэчы, лічыцца, што сярод аматараў недарагіх паездак па СНД карыстаюцца папулярнасцю Брэст і Бішкек.