Мінскае "Дынама" сёння паспрабуе ўзяць рэванш у зборнай клубаў экстралігі

Федэрацыя хакею Беларусі анансавала серыю таварыскіх матчаў "Дынама" і зборнай клубаў у мінулую суботу пасля жорсткай крытыкі дынамаўцаў, якую падчас наведвання Вайсковай акадэміі выказаў Аляксандр Лукашэнка. "Мы мільёны долараў растрацілі, і дзе яны зараз? — эмацыйна гаварыў ён. — "Беларуськалій" спыніў іх фінансаваць і правільна зрабіў — будуць банкрутамі. За што плаціць? Выйгралі — усё разлічваем, аддаём. Прайгралі — 500 долараў". Федэрацыя сцвярджае, што "спартыўны вынік матчаў будзе мець высокае значэнне". Паводле афіцыйнай версіі, падчас таварыскіх матчаў будуць праглядацца кандыдаты ў нацыянальную зборную.

Серыя праводзіцца да двух перамог.