Мішусцін: Беларусь і Расія дамовіліся па аплаце энерганосьбітаў
Беларусь дасягнула з Расіяй дамоўленасцяў па аплаце энерганосьбітаў. Пра гэта на перамовах у Мінску заявіў кіраўнік расійскага ўрада Міхаіл Мішусцін.
"Хацеў бы павітаць рашэнні, якія сёння былі прынятыя па нашых узаемных пытаннях, звязаных з аплатай энерганосьбітаў. Мы дасягнулі з вамі ўсіх дамоўленасцяў", — перадае БЕЛТА яго словы.
Пры гэтым расійскі чыноўнік адмовіўся раскрываць сутнасць гэтых дамоваў і канкрэтныя рашэнні.
Мішусцін заявіў, што Расія зацікаўленая вывесці супрацу з Беларуссю на яшчэ больш высокі ўзровень, напоўніць яе новым зместам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
