Міжнародная федэрацыя стральбы з лука дапусціла беларусаў да спаборніцтваў
Аднак турніраў у РБ па-ранейшаму праводзіць не будуць / https://twitter.com/worldarchery
Міжнародная федэрацыя стральбы з лука дапусціла беларускіх і расійскіх спартсменаў да індывідуальных міжнародных спаборніцтваў. Такое рашэнне прыняў яе выканаўчы савет. У яго заяве адзначаецца, што "дазваляецца вяртанне толькі тых атлетаў, якія змогуць даказаць свой нейтралітэт праз працэс незалежнай праверкі".
Пры гэтым працягваюць дзейнічаць санкцыі, якія забараняюць правядзенне мерапрыемстваў у Беларусі і Расіі, а таксама выкарыстанне нацыянальных сцягоў і гімнаў РБ, РФ на ўсіх спаборніцтвах.
Як падлічыла "Трыбуна", стральба з лука стала дзявятым алімпійскім відам спорту, у які вырашылі вярнуць беларусаў і расіян.
NEWS. Update on status of neutral athletes from Russia and Belarus (April 2023) https://t.co/Qwy9Haw7XQ
— World Archery (@worldarchery) April 21, 2023
