На Херсоншчыне расійскі авіяўдар трапіў па лякарні
Лякарня ў Берыславе пасля ракетнага ўдару / t.me/olexandrprokudin
У Херсонскай вобласці расіяне нанеслі авіяўдар па горадзе Берыслаў. Як паведаміў кіраўнік Херсонскай абласной ваеннай адміністрацыі Аляксандр Пракудзін, было выпушчана пяць ракет.
Адна з ракет пацэліла ў бальніцу. Чацвёрты паверх будынка быў знішчаны цалкам, яшчэ адзін — часткова.
Па словах Пракудзіна, падчас абстрэлу былі пашкоджаныя машыны экстранай дапамогі. Пацярпелі два медработнікі. У кіроўцы "хуткай" — пералом нагі і раненне галавы, фельчар атрымаў кантузію.
Лякарня ў Берыславе пасля ракетнага ўдару / t.me/olexandrprokudin
