На маладзечанскіх рынках забаранілі гандляваць свінінай

Такое рашэнне прыняў Маладзечанскі райвыканкам. Ветэрынары кажуць, што свіная чума да Маладзечанскага раёна пакуль не дайшла. А забарону на гандаль свінінай тлумачаць прафілактычнымі мэтамі.

На мясцовым рынку журналістам "Рэгіянальнай газеты" паведамілі, што свініну, якую не прадалі напярэдадні, цалкам вывезлі з тэрыторыі рынку. Гандляваць гэтым відам мяса забаранілі да асобага распараджэння райвыканкама. Праўда, кілбасы і вэнджанае мяса купіць у свіным павільёне можна.

Фота — rh.by