На прэзентацыю беларускага электрамабіля Лукашэнка прыедзе на "Тэсле"
На прэзентацыю беларускага электрамабіля Аляксандр Лукашэнка збіраецца прыехаць на "Тэсле". Пра гэта ён заявіў старшыні Прэзідыума Нацыянальнай акадэміі навук Уладзіміру Гусакову. 23 студзеня кіраўнік Беларусі правёў сустрэчу з навукоўцамі.
Лукашэнка пацікавіўся, як навукоўцы выконваюць яго даручэнні і ці гатовыя паказаць электратранспарт і іншыя распрацоўкі.
"Добра, я прыеду на "Тэсле", пастаўлю побач. Абавязкова прыеду для такой адкрытай, як сёння, размовы", — перадае прэс-служба словы кіраўніка дзяржавы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
