На валютных таргах курс еўра апусціўся да ўзроўню пачатку жніўня 2020-га
На таргах 6 кастрычніка на Беларускай валютна-фондавай біржы беларускі рубель рэзка ўмацаваўся да ўсіх асноўных валют.
Еўра патаннеў на 0,5%, і яго курс апусціўся да 2,8895 рубля. Апошні раз такі нізкі курс быў на пачатку жніўня 2020 года.
Долар страціў 0,24% — яго ацанілі ў 2,4981 рубля.
Расійскі рубель патаннеў толькі на 0,18%. Цяпер за 100 расійскіх рублёў даюць 3,445 беларускага.
