На волю выйшаў палітвязень Ілля Міронаў

На волю выйшаў палітвязень Ілля Міронаў. Як піша @viasnaHomel, гомельскага валанцёра асудзілі на 1,5 гады папраўчай калоніі і 200 базавых велічыняў штрафу (6400 рублёў). Паколькі Міронаў правёў у СІЗА больш за год, суд пастанавіў яго вызваліць.

Іллю Міронава затрымалі 30 верасня 2021-га. Спачатку яго абвінавачвалі ў "распальванні варажнечы", але ў працэсе следства абвінавачванне замянілі на артыкул "дыскрэдытацыя Рэспублікі Беларусь".

Міронаў вядомы тым, што напісаў тысячы лістоў беларускім палітвязням. 

На здымку ніжэй Ілля Міронаў да затрымання (фота з Facebook Валянціны Міронавай).