Не разумеюць ці думаюць, што ўсё пад кантролем: беларус пра сітуацыю ў Маскве
![Масква / tvkrasnodar.ru](/sites/default/files/styles/gallery_main/public/2023-08/%D0%BC%D0%BE%D1%81%D0%BA%D0%B2%D0%B0.jpg.webp?itok=5A0Biyh3)
Масква / tvkrasnodar.ru
З-за" бунту "кіраўніка ПВК "Вагнер" Яўгена Прыгожына ў шэрагу абласцей Расіі ўлады абвясцілі аб правядзенні антытэрарыстычных мерапрыемстваў. Мэр Масквы Сяргей Сабянін паведаміў, што ў горадзе ўзмоцненыя меры бяспекі і ўведзены дадатковы кантроль на дарогах. Уначы 24 чэрвеня там была заўважаная вайсковая тэхніка.
Ці змяніўся ўклад жыцця ў сталіцы Расіі, Еўрарадыё распавядае беларус, які жыве ў Маскве.
"Стала зразумела, што раніцай весці будуць "вясёлыя"
— Я жыву недалёка ад цэнтра і сёння быў на вуліцы. Нічога незвычайнага не заўважыў, — кажа Аляксей (імя зменена). — Наконт унутраных перажыванняў людзей я, натуральна, сказаць не магу. Але я сёння быў у краме, у кавярню заходзіў. Нічога звышнатуральнага, каб хтосьці сядзеў і безупынна гэта абмяркоўваў — не. Рассыланняў ад МНС або нейкіх апавяшчэнняў для ўсіх я не бачыў.
![Не понимают или думают, что всё под контролем: белорус о ситуации в Москве](/sites/default/files/styles/default_image_paragraph/public/paragraphs/image/1_228.jpg.webp?itok=PdKVEvN9)
Суразмоўца адзначае, калі здараюцца падзеі накшталт атакі дронаў на Крэмль, у яго цікавяцца, што наогул адбываецца ў Маскве. І кожны раз складана сказаць пра нешта незвычайнае.
— Кажу, што ў дадзены момант нічога не памянялася, як бы парадаксальна гэта ні гучала. Так, я чытаў, што ездзіць тэхніка, дзесьці досыць вялікая навала Расгвардыі. Я з гэтым не спрачаюся, але кажу, як я гэта бачу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.