"Пацанскі адказ" за Крымскі мост і правал у барацьбе з пацяпленнем. Іх норавы

— У гэты дзень мусіла вырашыцца, скончыцца збожжавая ўгода ці не. Другое — учора была даволі масіраваная атака дронамі. І расійскі бок заяўляў, што ў іх усё атрымалася, украінцы ніякіх мэтаў не дасягнулі. Трэцяе — была заява Пуціна, што ўкраінскі наступ не нясе ніякіх вынікаў. І потым мост — усё адбываецца ў адзін момант.

Гэта вельмі моцны ўдар па расійскім рэжыме. Можна спрачацца, наколькі ў моста сур'ёзныя пашкоджанні, але ў сімвалічным і прапагандысцкім плане гэта вельмі моцна.

На Захадзе гэта таксама асвятляецца як вялікая падзея, адзначае эксперт.

— У заходніх сталіцах добра разумеюць, якое значэнне гэты мост мае для Пуціна асабіста. І, вядома, гэта ўспрымаецца як новы поспех Украіны. Паведамленні пра ўкраінскае контрнаступленне апошнім часам былі неспрыяльныя для Кіева. Чаканні былі велізарныя, а тут ёсць поспехі, але зусім не такія, як разлічвалася. З'явіўся новы імпульс у дыскусіі пра тое, што вайна ў патавым стане, што трэба думаць пра мірны сцэнар. І вось гэтая атака на Крымскі мост. Яна паказвае, што Расія не такая ўжо і моцная.

Рызыка вайны для Беларусі расце

Беларусь у гэтай сітуацыі аказваецца ў няпростым становішчы праз неадэкватнасць расійскага рэжыму, працягвае эксперт.

— Калі такое адбываецца, у Расіі пакрыўджаныя і з адпаведнымі комплексамі пра што думаюць і як працуе іх прапаганда? Як на гэта адказаць. Лёсы людзей, якія там загінулі, — тэма другарадная. Іх хвалюе пацанскі адказ: "Нас пабілі, мы павінныя адказаць. Трэба паказаць, што мы моцныя, каб нас не білі яшчэ больш". Калі такая логіка прысутнічае, то магчымыя радыкальныя адказы, — працягвае Аляксандр Фрыдман. — У гэтым сэнсе Беларусь у асабліва складаным становішчы, бо для такога адказу можа быць выкарыстаная менавіта Беларусь. Яе тэрыторыя, вагнераўцы, якія там знаходзяцца. Кожная такая падзея аўтаматычна павышае імавернасць, што Беларусь будзе выкарыстаная і ўцягнутая ў вайну.

Мы не ведаем, якім чынам урэгуляваныя адносіны паміж Прыгожыным і Масквой. Цалкам імаверна, што яны памірыліся і вагнераўцы павінныя паказаць сябе. Так што ўся бязглуздзіца з нагоды таго, што яны будуць заваёўваць Сувалкскі калідор — гэта, вядома, безадказныя заявы. Але, улічваючы стан цяперашняга расійскага кіраўніцтва, нават гэтую бязглуздзіцу варта ўспрымаць сур'ёзна. Бо паспрабаваць яны могуць і такое.

У Кітаі 52,2°C — барацьба з пацяпленнем прасядае

Эксперты па клімаце кажуць, што мэта ўтрымання доўгатэрміновага глабальнага пацяплення ў межах 1,5°C робіцца недасяжнай. Працяглыя перыяды высокіх тэмператур у Кітаі паставілі пад пагрозу энергасістэмы і пасевы. Растуць і асцярогі з нагоды магчымага паўтарэння леташняй засухі, самай моцнай за 60 гадоў.

На гэтым тыдні Злучаныя Штаты і Кітай спадзяюцца аднавіць намаганні па барацьбе з глабальным пацяпленнем.

Твітару зусім кепска

Дарэчы, пра Амерыку. У ЗША не сціхае гісторыя з няўдачамі Twitter. Акрамя таго, што ў яго з'явіўся канкурэнт у выглядзе Threads, сацсетка страціла амаль палову даходаў ад рэкламы. Здарылася гэта пасля таго, як Twitter купіў Ілан Маск. 

Раней Маск звольніў каля паловы з 7500 супрацоўнікаў з Twitter. Пасля гэтага і скарачэння рахункаў за воблачныя паслугі Маск сказаў, што выручка Twitter у 2023 годзе складзе $3 млрд. Сёлета было $5,1 млрд.

— Трэба дасягнуць станоўчага грашовага патоку, перш чым мы зможам дазволіць сабе раскошу чаго-небудзь яшчэ, — заявіў бізнэсовец.

Выжывалі два месяцы на рыбе і дажджавой вадзе