Пацярпелых ад выбуху феерверку перавялі ў галоўны ваенны шпіталь
Пацярпелых ад выбуху феерверку падчас афіцыйнага Дня Незалежнасці перавялі ў 432-і галоўны ваенны клінічны медыцынскі цэнтр. Спецыялісты шпіталя 4 ліпеня наведалі медустановы, дзе знаходзяцца на лекаванні параненыя асколкамі людзі.
Як паведамляе Міністэрства абароны ў сваім Тэлеграм-канале, прынятае рашэнне перавесці пацярпелых на далейшае лекаванне ў Рэспубліканскі цэнтр па лекаванні агнястрэльных раненняў і мінна-выбуховых траўмаў, які дзейнічае на базе 432 ГВКМЦ.
"Гэта адзіны ў краіне цэнтр, прызначаны для лекавання падобных раненняў і траўмаў, а таксама ўкамплектаваны найлепшымі спецыялістамі ў гэтай галіне", —сказана ў паведамленні ведамства.
Жыццю пацыентаў цяпер нічога не пагражае.
У выніку выбухаў феерверкаў, якія здарыліся ўвечары 3 ліпеня ў Мінску, узарваліся салютныя ўстаноўкі. Асколкі ад іх разляцеліся ў розныя бакі і трапілі ў гледачоў. Адна жанчына загінула, яшч. 9 чалавек атрымалі раненні.
