Пальчаткі як у беларускіх алімпійцаў можна купіць за 914 тысяч рублёў

Форма, як у беларускіх алімпійцаў, прадаецца проста ў будынку Нацыянальнага алімпійскага камітэта, у спецыялізаванай краме.

“Вязаны шалік каштуе 427500 рублёў, шапка ― каля 550000, гарналыжная куртка ― каля 4 мільёнаў”, ― знаёмяць з коштамі ў краме.

Перабіраем увесь мужчынскі спартовы камплект за выключэннем сумкі і заплечніка. Вось якія кошты на форму выставілі:

Нагадаем, што спартовую вопратку для беларускіх зімовых алімпійцаў збольшага выпусціла літоўская кампанія Audimas. Абутак паставіла французская кампанія Salomon. З беларускага ― толькі чамадан і заплечнік фірмы “Галантэя”. Падкрэслім, што парадны касцюм з чаравікамі і паліто мы ў падлікі не ўключаем.

Калі зыходзіць з таго, што беларуская дэлегацыя налічвае 48 чалавек і форма на кожнага абышлася ў 18,5 мільёнаў рублёў, то агульная сума ― каля 890000000 рублёў (прыкладна $93000).

Натуральна, адзенне прадаецца заўзятарам з нацэнкай крамы. Аднак, на якіх умовах Audimas паставіла беларускай камандзе адзенне ― не вядома. У самой кампаніі не паведамляюць фінансавай інфармацыі наконт здзелкі з нашым НАКам.

Кампанія Bosco, да прыкладу, паставіла алімпійскую форму для ўкраінцаў бясплатна.

Адзенне, якое фірма Ralf Lauren зрабіла для алімпійскай зборнай ЗША, можна набыць праз інтэрнэт. У пераводзе на беларускія рублі шапка амерыканскага ўзору каштуе каля 940 тысяч (амаль удвая даражэй, чым беларускі аналаг). Чырвонае пола каштуе каля 1100000 (прыкладна на 180 тысяч даражэй, чым беларускае). А за белы байкавы джэмпер трэба заплаціць 1870000 (на 530 тысяч больш, чым за беларускі аналаг).

Допіс пра алімпійскія формы розных краін.

Матэрыял пра форму беларускага алімпійца. 

Фота noc.by