Памёр былы галоўны трэнер беларускай зборнай па плаванні
Былы галоўны трэнер нацыянальнай зборнай Беларусі па плаванні Дзмітрый Манцэвіч памёр на 59-м годзе жыцця. Пра гэта паведамляе прэс-служба Міністэрства спорту і турызму.
Адзначаецца, што спартовец мужна змагаўся з цяжкай хваробай.
Раней Манцэвіч доўгі час працаваў у Славеніі. Вярнуўшыся ў Беларусь, ён трэніраваў маладых плыўцоў. Многія з яго выхаванцаў уваходзяць цяпер у асноўны склад нацыянальнай каманды.
