Партыя Зянона Пазняка ладзіць мітынг і канцэрт да 100-годдзя БНР
Кансерватыўна-хрысціянская партыя БНФ ладзіць сёння мітынг і канцэрт, прысвечаныя 100-годдзю абвяшчэння Беларускай народнай рэспублікі. Акцыя дазволеная ўладамі з 12.00 да 16.00 у Кіеўскім скверы.
Арганізатары сённяшняга мітынга і канцэрта мяркуюць, што гэтыя імпрэзы можна разглядаць як “пралог” да ўрачыстасцяў, якія адбудуцца заўтра, 25 сакавіка ля Опернага тэатра.
У канцэрце бяруць удзел беларускія музыкі, сярод якіх Андрусь Такіданг, Зміцер Вайцюшкевіч, Яўгеня Казлова, Андрэй Мельнікаў.
Заўтрашні мітынг і канцэрт пачнуцца ў 13.00. Яны таксама дазволеныя ўладамі.
