Павел Вінаградаў схуднеў у турме на 36 кілаграмаў

Павел Вінаградаў схуднеў у турме на 36 кілаграмаў. Пра гэта паведамляе праваабарончы цэнтр "Вясна".

Нядаўна ў палітвязня знайшлі туберкулёз. А 28 ліпеня яго перавялі ў аршанскую папраўчую калонію №12.

Раней з'явілася інфармацыя, што Вінаградава пазбавілі працяглага спаткання за сон днём. Цяпер ён афіцыйна прызнаны "злосным парушальнікам рэжыму".

Вінаградаў асуджаны закрытым судом на 5 гадоў калоніі. Вядома, што крымінальную справу на яго вялі па арт. 130 (распальванне сацыяльнай варожасці), ч. 2 арт. 367 (паклёп на прэзідэнта) і арт. 342 (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).