Перад сустрэчай Лукашэнкі і Зяленскага ачапілі цэнтр Жытоміра
![Перад сустрэчай Лукашэнкі і Зяленскага ачапілі цэнтр Жытоміра](/sites/default/files/styles/gallery_main/public/2023-08/7287866b-6ab9-4a13-9624-53d4c251ce97_w1597_n_r0_st.jpg.webp?itok=1BuSmuWQ)
Перад сустрэчай Аляксандра Лукашэнкі і Уладзіміра Зяленскага ачапілі цэнтр Жытоміра, інфармуе "Радыё Свабода". У гэтым украінскім горадзе ўжытыя беспрэцэдэнтныя захады бяспекі. Байцамі Нацыянальнай гвардыі і паліцыянтамі ачэпленыя ўсе месцы, якія збіраюцца наведаць беларускі кіраўнік і ўкраінскі прэзідэнт.
У Жытоміры праходзіць II Форум рэгіёнаў Беларусі і Украіны. Лукашэнка і Зяленскі сустрэнуцца ўпершыню. Яны збіраюцца пагаварыць пра беларуска-украінскія дачыненні і пра пытанні рэгіянальнай і міжнароднай палітыкі. Перамовы пройдуць у будынку абласной дзяржадміністрацыі. Плошча перад ім ачэпленая.
Раніцай у цэнтры Жытоміра праходзіць невялікая акцыя пратэсту: карыстаючыся прысутнасцю журналістаў, людзі спрабуюць прыцягнуць увагу да мясцовых праблем і выказваюць меркаванне наконт урэгулявання сітуацыі на Данбасе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.