Пінскі гарвыканкам абмяркоўвае з гараджанамі новыя будаўніцтвы (фота)
Мясцовыя ўлады запрашаюць усіх ахвотных прыняць удзел у грамадскім абмеркаванні горадабудаўнічых праектаў. Для гэтага ў будынку выканкаму вывесілі дэтальныя макеты і мапы-схемы плануемага развіцця раёнаў горада. На іх відаць, як будзе развівацца горад, дзе запланаваныя жылыя раёны, стадыёны, школы, крамы. Спецыялісты аддзелу архітэктуры даюць усім ахвотным неабходныя кансультацыі. Наведвальнікі выканкама могуць пакінуць пісьмовыя заўвагі наконт будучага развіцця горада.
