Пра “польскія розгі”, нырку Кадырава і беднасць Лукашэнкі — эфір з Фрыдманам
Аляксандр Фрыдман / Еўрарадыё
Расследавальнікі з BELPOL выклалі звесткі пра новую, сакрэтную рэзідэнцыю Лукашэнкі. Зразумела, што і Беларусь краіна далёка не бедная, і сам Лукашэнка не нейкі там галадранец — могуць такое сабе дазволіць у сітуацыі, калі існуючых 17 рэзідэнцый не хапае. Але ёсць падазрэнне, што яна для Лукашэнкі, але калі ён будзе ўжо ў крыху іншым, адрозным ад сённяшняга статусе…
Ці сапраўды мэтай візіту Лукашэнкі да Пуціна было толькі тое, пра што нам афіцыйна паведамілі, і ці будуць з ім нешта арганізоўваць “на траіх”? Ці варта давяраць інфармацыі пра стан Кадырава і што гэта можа быць за сігнал Лукашэнку? Навошта беларусам новае свята і пры чым тут 17 верасня? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з гісторыкам, палітычным аглядальнікам Аляксандрам Фрыдманам.
