Пяць чалавек пацярпелі ў ДТЗ у Івацэвіцкім раёне

Двое дзяцей пацярпелі сёння ў ДТЗ у Івацэвіцкім раёне Брэсцкай вобласці. Дзяўчынцы 12 гадоў, хлопчыку — усяго тры месяцы. А ўсяго ў бальніцу пасля гэтага здарэння былі дастаўленыя пяць чалавек, расказалі ў МУС Беларусі.

Аварыя адбылася на дарозе Івацэвічы-Пінск-Столін. Тут лоб у лоб сутыкнуліся легкавыя аўтамабілі Honda і Volkswagen. Дзеці былі ў VW, у бальніцу таксама забралі іх маці і кіроўцаў абодвух аўто. Паводле папярэдняй інфармацыі, кіроўца Нonda выехаў на сустрэчную паласу — хацеў абагнаць грузавік МАЗ, які ішоў перад ім.