П'яны рыбак хацеў даказаць, што дойдзе 50 км да Мінска пешшу, яго спынілі
39-гадовы мужчына паспрачаўся з сябрамі на рыбалцы (ілюстрацыйнае фота) / sb.by
П'яны рыбак хацеў даказаць, што дойдзе 50 км да Мінска пешшу, яго спынілі. Медасведчанне паказала 3,7 праміле алкаголю ў паветры.
Як паведамляе міліцыя Мінскай вобласці, "паход на сталіцу" адбываўся ў выходныя. З'явілася паведамленне пра мужчыну, які ідзе па праезнай частцы аўтадарогі з боку Радашковічаў у бок сталіцы "з відавочнымі прыкметамі алкагольнага ап'янення". Яго знайшоў і спыніў экіпаж ДПС. 39-гадовы мужчына расказаў, што быў на рыбалцы, выпіваў з сябрамі, і паспрачаўся з імі, што зможа зайсці пешшу ў Мінск. У выніку, на яго склалі адміністрацыйны пратакол "за парушэнне правілаў дарожнага руху пешаходам у нецвярозым стане".
Міліцыя сцвярджае, што рыбака не затрымлівала, а завезла дадому.
