Радаслаў Сікорскі не выключае "туніскі сцэнар" для Беларусі
Змена ўлады ў Беларусі можа адбыцца ў выніку масавых антыўрадавых выступаў, падобных да тым, што назіраліся ў Тунісе.
Такое меркаванне выказаў сёння ў інтэрв'ю агенцтву Асашыэйтэд Прэс кіраўнік МЗС Польшчы Радаслаў Сікорскі.
Прызнаўшы знешнюю стабільнасць беларускага рэжыму, міністр заявіў: "Прыклады Туніса і Егіпта паказваюць, якім зманлівым можа быць бачны стан стабільнасці".
