Ракета, абломкі якой знайшлі каля Быдгашчы, верагодна, належыць Польшчы
На месцы знаходкі абломкаў ракеты / RMF FM
Ракета, абломкі якой знайшлі ў раёне Быдгашчы, верагодна, належыць войску Польшчы, паведамляе RMF FM.
Недалёка ад мястэчка Замасць, у лесе каля якога знайшлі рэшткі ракеты, размяшчаецца авіярамонтны завод. На ім рамантуюць у тым ліку знішчальнікі F-16. Побач таксама ёсць вайсковы аэрадром.
Раней паведамлялася, што на ракеце ёсць кірылічныя надпісы. Хутчэй за ўсё, гэта тлумачыцца тым, што ў Польшчы дагэтуль застаецца шмат узбраення і боепрыпасаў з камуністычных часоў, калі зброя паступала ад СССР.
