Расгвардыя правяла вучэнні па падаўленні пратэстаў у Расіі і Беларусі
Расійскія сілавікі / Ведомости
Расгвардыя правяла вучэнні па падаўленні пратэстаў у Расіі і Беларусі. Пра гэта паведамляе Цэнтр Нацыянальнага Супраціву Украіны.
Сцвярджаецца, што на вучэннях адпрацоўваліся два сцэнары. Першы — падаўленне масавых пратэстаў мабілізаваных і іх родных падчас правядзення ўсеагульнай мабілізацыі ў Расіі.
Другі сцэнар — заход расійскіх сілавікоў на тэрыторыю Беларусі для "навядзення парадку" пасля таго, як Украіна і Польшча нанясуць ракетныя удары па лагерах “вагнераўцаў”. Паводле вучэнняў, колькасць наймітаў у нашай краіне складзе 20 тысяч чалавек.
Калоны ПВК "Вагнер" працягваюць заязджаць у Беларусь. Па ацэнках экспертаў, цяпер у нашай краіне можа знаходзіцца ад 3000 да 5000 тысяч прыгожынскіх баевікоў.
