Расія нанесла ўдар па лякарні ў Дняпры

26 траўня Расія нанесла ракетны ўдар па ўкраінскім горадзе Днепр. Ракета трапілі ў лякарню. Будынак загарэўся. Пашкоджаны і суседнія дамы. Вядома пра больш за два дзясяткі пацярпелых, сярод іх двое дзяцей ва ўзросце 3 і 6 гадоў. Ёсць зніклыя без вестак. Паводле папярэдніх даных, адзін чалавек загінуў.

"Расійскія тэрарысты ў чарговы раз пацвярджаюць свой статус змагароў з усім гуманным і сумленным, — піша прэзідэнт Украіны Уладзімір Зяленскі. — ...Павінны атрымаць перамогу над гэтымі нелюдзямі незваротна і як мага хутчэй. Таму што наш час — гэта нашы людзі. А нашы людзі — гэта самае дарагое, што ёсць ва Украіне".

Нядаўна Рэспубліка Беларусь не падтрымала рэзалюцыю Асамблеі Сусветнай арганізацыі аховы здароўя з асуджэннем агрэсіі Расіі супраць Украіны, у тым ліку ўдараў па медустановах.