Рэдактар спецпраектаў партала "Аўтабізнес" асуджаны на 2,5 года калоніі
Юрый Гладчук / spring96.org
Рэдактар спецпраектаў партала "Аўтабізнес" Юрый Гладчук асуджаны на 2,5 года калоніі, піша "Новы час" са спасылкай на свае крыніцы. Крымінальную справу разглядаў суд Фрунзенскага раёна Мінска. Яго прызналі вінаватым у "абразе Лукашэнкі" і "арганізацыі і падрыхтоўцы дзеянняў, якія груба парушаюць грамадскі парадак".
Праваабаронцы прызналі Гладчука палітвязнем.
Супрацоўнікаў партала "Аўтабізнес" — галоўнага рэдактара Юлію Мудрэўскую, рэдактара партала Вадзіма Зянкевіча і рэдактара спецпраектаў Юрыя Гладчука — сілавікі затрымалі 16 чэрвеня 2022 года. Неўзабаве стала вядома пра крымінальныя справы. Мудрэўскую асудзілі на 1,5 гады калоніі па артыкуле "арганізацыя і падрыхтоўка дзеянняў, якія груба парушаюць грамадскі парадак".
