15 верасня ў Беларусі адзначаюць Дзень бібліятэкі
На сёння ў нашай краіне налічваецца болей за 10 тысяч бібліятэк рознага профілю.
Традыцыйна гэтае свята адкрыюць урачыстасці на плошчы перад будынкам Нацыянальнай бібліятэкі Беларусі ля помніка Францыску Скарыне. У імпрэзе возьмуць удзел прадстаўнікі ўлады ў сферы культуры, а таксама бібліятэчная грамадскасць з розных рэгіёнаў краіны.
Апроч таго, у Нацыянальнай бібліятэцы сёння адкрыецца выстава “Сам сабе мастак”. Гэтая экспазіцыя падрыхтаваная па выніках конкурсу, які праходзіў сярод бібліятэчных работнікаў з усёй Беларусі. На выставе прадставяць 70 найлепшых работ.
